ПЩИ-ОРКЪ ЗАУ Пэубл

Дунаежъыр изэрэщитыгъэ щымыгъуазэм
Дунаэяк1эм щигъозэгъуае  фэхъущт.
Джырэ тидунай дыъэзэрыбл,
Къытэлыжьэу насыпар т1эгу илъ,
Илъэс лъэбэкъухэр тфимыкъоу
Мафэ къэс тыбакъоу тыублагъ.
Гуш1огошхоу тэ тызыхэтым
Епэсыгъэ уасэ фэпшыным пае.
Ипэурэ зэманыжъэу тыкъызэрык1ыгъэр
Зэрэщытыгъэр пш1эн фае.
"Ер зымылъэгъугъэм ш1ур ыш1эрэп",-зэра1оу,
Лэжьэк1о тхамык1эхэм дунаежъым
Жъалымагъэу, тхъамык1эгъуабу,
Бжьы хьылъэу ателъыгъэр зымылъэгъугъэу,
Октябрэ тыгъэшхом къыдэтэджыгъэ
Джырэ тик1элэ насыпыш1охэм,
Язэхэш1ык1 ащ фамыгъэгъуазэмэ,
Гуш1огошхоу зыхэтым идэхагъэ,
Насыпышхоу а1эгу илъым илъэп1агъэ
Лъык1агъахьэу фэшъуашэм епэсыгъэу
Усэ фаш1ын алъэк1ыщтэп.
Бэ згъэш1агъэу сэ сыл1ыжэу,
Иъырэ дунаем есэлъыты,
Джырэ тидунай дахэ сыхэплъэ,
Хъохъоу ес1уал1эрэр сш1омак1,
Набжъэу згъэш1эжьыщтыр сш1ок1аку.
Нэку-нэпсэу насыпышхом сегъэгуш1о.
Сижъышъхьэ л1ыжъ од къыса1о.
Сызгъодэу лы стезымыгъахъорэр,
Дунаежъым жъалымэу тетыгъэхэм
Ягухьэ-гужъэу, ягужъ-гупшысэу
Сыгу къафитэджэжьхэрэр ары.
Сызы мыгъэзагъэрэр къэбарыжъымэ ащыщэу,
Пщы-оркъыжъъхэм яжъалымагъэу,
Тхьамык1агъоу лэжьак1омэ ателъыгъэр
Къыуигъэш1энэу зы къэбар.
Ждырэ тик1алэхэр, къшъуфэс1отэн.
"Оркъыжъ хьадэр блэ мэбэгы", - а1уагь.
Ауфэдэшъ якъэбари, бэу бэгыщт,
Шъудэмышъхьахэу шъукъедэ1у.